Kryetarja e Lëvizjes Socialiste për Integrim, iu shtohet zërave kundër prishjes së Teatrit Kombëtar.
Në një dalje për mediat ditën e sotme, ajo deklaroi se bashkëshorti i saj, Presidenti Ilir Meta, duhet ta kthejë mbrapsht projektligjin për Teatrin Kombëtar.
“Unë shpresoj që zoti Meta ka shansin për të shlyer gabimin që u solli shqiptarëve Edi Ramën në krye, besoj që duhet të gjejë forca brenda vetes së tij ta rikthejë mbrapsht atë projektligj”, u shpreh Kryemadhi.
Ajo shtoi se shpreson që kreu i shtetit të distancohet.
Më herët deputetja demokrate Albana Vokshi, deklaroi se Edi Rama dhe Erion Veliaj e kanë mbajtur të fshehtë deri më sot projektin e kompanisë private, që do të shkatërrojë Teatrin Kombëtar dhe do të ndërtojë 6 kulla në qendrën historike të kryeqytetit.
